وهذي قصيده له رحمه الله بعنوان ياربي

وهذي قصيده له رحمه الله بعنوان ياربي

1
أنا أدعوك ياعالم بغيب الليال السود
قريبٍ مجيب ليا تكلمت توحيني
2
تغفر الذنوب اللي لها فالكتاب شهود
ياربي لما بريتني من يبريني
3
أنا عبدك المحتاج وأنت الله المعبود
وفيك الرجاء ياخالق أدم من الطيني
4
ألا يالله أبعدني عن الشك والمنقود
وستّر عيوبي يوم نصب الموازيني
5
لاصارت عظامي هيكلٍ في لحد ملحود
من اللي بيذكرني ليا صرت ناسيني
6
تفكرت بالدنيا ليا ماوراها فود
وأهلها عليها رغم هذا حريصيني
7
يلمونها بالكم ويدورون الزود
ولو يملكون الكون ماهم براضيني
8
لقيت القناعه فالبشر كنزها مفقود
فقيرين فقر إنفوس لو هم غنييني
9
يثور الطمع فيهم كما ثورة البارود
ويمسون خلاّن وصباح متعاديني
10
سمك في بحر مامنه ناشد ولامنشود
ظلام الطمع حالك وهم فيه ساريني

» قصيده في محبة الرسول محمد صلى الله عليه وسلم
» الملك عبدالعزيز رحمه الله
» انجازات الملك فهد رحمه الله
» صياف رحمه الله وحبيب
» الملك عبدالعزيز ال سعود - رحمه الله