بسم الله أبـدأ والمعانـي جديـده
ذكر الولي مبدآي قبـل القصيـده
عسـى يوفقنـي لنظـم الجزائـل
نظم البيـوت النـادرات الفريـده
لأني أحب الجـزل ماحـب غيـره
والجزل غيري كل رجـل ٍ يريـده
والجزل وهبه من جزيل العطايـا
وكل على ما قيل يعرف رصيـده
ولا نيب أقول إني فـلان الفلانـي
غيري شعاعيـر تحبـك النشيـده
وأنا مع الشعار بسرج أحصانـي
مادام جاء للشعـر وقفـه أكيـده
با قف مع الشعار في حفل ربعـي
وأصخر جزيل القول وأترك زهيده
والله يوفق كل مـن هـو جمعنـا
على المعـزة والعلـوم المفيـده
أشيوخنا اللي فعلهم نفتخـر بـه
يستاهلون المدح منـي وأعيـده
وقفاتهم ماهوب يحصـى عددهـا
قبل المزاين من سنيـن ٍ مديـده
واثنيه للي ساهموا في المزايـن
وجابوا الهدايا والجيـوب الجديـده
كل ٍ يقول آمر لمـن هـو تقـدم
الشأن واحد وأطلب اللـي تريـده
لجل القبيلة يرخص المـال كلـه
واليا نقص شـي ٍ ترانـا نزيـده
ومن صد عن ربعه فخلـه يولـي
في ذمتي من صد ما هـو فقيـده
ما يفقد إلا كـل شهـم ٍ مجـرب
وراع المواقف جعل ربـي يزيـده
اللي مواقيفـه وفعلـه ينومـس
من دون ربعه ما يجـوّد رصيـده
ها ذاك نفخر به ونفخـر بذكـره
وألا الردى عسـى ديـاره بعيـده
ماهوب والله ضـاري ٍ بالجمائـل
ولاهوب يحسب جعل ماله شريده
وبمناسبة أمزايـن أبـل القبيلـة
ربعي هل البل والفعـول المجيـده
ربعي هل البل من قديـم الليالـي
ياكم ذبحنـا دونهـا مـن وليـده
وياكم كسرنا دونهـا مـن قبائـل
بصنع اليهودي والسيوف الحديـده
نرعى بها في الخوف في كل مرتع
في شفها نسهج أديـار ٍ عديـده
في شفها ناطا الخطـر مانهابـه
ونرخص لها لأرواح وقت الوعيده
لا جاء نهار ٍ فيه بايـع وشـاري
وكل ٍ على ماقيل واجـه ضديـده
خيالنا يا رد على الموت ضامـي
وخيالنا يـوم اللقـاء ذاك عيـده
ماهوب يحسب للمنيـة وشرهـا
ولا هوب يسند لين يغلـب نديـده
قلت الصحيح اللي عليـه الدلائـل
دلائـل ٍ ماهـي روايـة جريـده
دلائــل ٍ أمثبـتـه بالفـعـايـل
بفعول ربعي يوم كـل ٍ لـه أيـده
ربعي سبيع مطوعة كل عاصـي
يوم المعاند روس ربعـي عنيـده
وربعي سبيع اللي تضد المعـادي
لا ثارت الهيجاء وشبـت وقيـده
وربعي سبيع أهل الوفاء والحمية
الصف واحـد والمواقـف عتيـده
وربعي سبيع اللي يشرف نباهـم
أهل الكرم وأهل الصفات الحميـده
أهل الكرم يوم الليالـي أشحيحـة
يوم المجاعة والظروف الشديـده
ومثلوثة السبعـان كـل ٍ ذكرهـا
يشهد لنا المولى وخلقـه شهيـده
محدٍ عليها مـن القبائـل سبقنـا
لوكان كل ٍ لـه أفعـول ٍ فريـده
وإنـا تميّزنـا بـعـدة مـزايـا
فزنابها عـن كـل قـوم وبديـده
قبلي أذكروها با دعيـن المثايـل
من واقع التاريخ ماهـي جديـده
ربعي هل الطولات ماضي وحاضر
وتاريخنا طـول الدهـر مايبيـده
مجـدٍ توارثنـاه يبقـى ويبـقـى
يوصي به الرجـال لبنـا حفيـده
وإنا على أثـر أجدودنـا الاولينـا
ماغيّرت فينـا السنيـن العديـده
وفي مدح ربعي ماعليّّـه ملامـة
ربعي حزامي كـل طيـبٍ تجيـده
من غير نقص في أحقوق القبائـل
مانهضم أحقوق الرجال السديـده
ولا نجحد اللي يحتمون المواقـف
أعيال الحمايل ما لحقهـا نقيـده
كل ٍ حمـى داره وميـراث جـده
بمصقلات فـي الملاقـاء جويـده
ها ذاك عصر ٍ فات طافت أسنينـه
يوم المغازي والظـروف النكيـده
يوم إن كل ٍ نجدته مـن ذراعـه
أحدٍ يصيد القـوم وأحـدٍ تصيـده
واليوم في حكم الحـرار النـوادر
وراح الجهل مافيه شـي ٍ يعيـده
في حكم أبو متعب عسى الله يعزه
وأخوانه اللي كل منهـم عضيـده
تعاونوا علـى البنـاء والتكاتـف
لين أصبحت أبلادنا فـي رغيـده
الأمن ساد بكـل شبـة الجزيـرة
من أقصا تبوك إليا حدود الحديـده
ومن الخليج إلى سواحـل تهامـة
صرنا أخوان في الوطن والعقيـده
دستورنا القـرآن وسنـة محمـد
والشرع طبق والجهل مـا نريـده
ومن غرّه إبليس ونوى له بنيـه
مثل شلل الإرهاب وأهل المكيـده
نسقيه سم ٍ ينتشر فـي عروقـه
يقطع شرايينـه ويقطـع وريـده
حتى ولويحسب من أبناء القبيلـة
نقطع صلتنا بـه ورأسـه نبيـده
إلا أن يتوب ويترك أهل الضلالـة
ويسمع كلام أهل العقول الرشيـده
ويطع ولاة الأمر فـي طاعـة الله
ومن طاعهم تصبح حياته سعيـده
وأختامهـا منـي سـلام وتحيـه
من شاعر ٍ مافيه بحـر ٍ يكيـده
ألعب على المسحوب وإلا الهلالي
ومع الهجيني لي علاقـة وطيـده
وكل البحور الباقية تعتـرف بـي
والقاف يذعن لي وأنا اليوم سيده
ومع لابتي حضرت والقاف صغته
على الهلالي صغت شكل القصيده
وإلا البحر مسحوب ما فيه شكـه
حسب النظام لكل من هو يجيـده
تمت وصلى الله على خير هـادي
على رسـول الله وقـدوة عبيـده