مرثية الباشا الحربي في اخية متعب يرحمة اللة

ابـداء بـذكــر اللــه واصــلـي واســلم_____عــلـى الـنـبـي سيـد الـبشر المـعـلم
وليـابــديـت الـقـــاف لاحــد يـتـكـلـم_____حـــتـى نـعـد الـقـــاف ويـبــان مـعـنـاه
مــرت عـلى ايــام مابــرقــد اللـيــــل_____ودمــوع عـيـنـي جـاريــة كـنها السيل
ولاعــاد بــي قــوة ولاعـاد بـي حـيل_____مــن يــوم ابـوهـانــي حـنـا فـقـدنـــاه
الاولـــــه باعــد لــكــم مـن صـفـاتـة_____والـثـــانـيـــة بـقـول شـنـهـي غــلاتــة
والثـالـثـة بـوصـي لـهـانـي وصـــاتــة_____وانـهــي هــذا الــقــاف بـاللـي بدينـاه
صـبـح الاثـنـيـن الـحــزن خيـم عليـنا_____يــا الـلـــه يــا مـــعـبــود لاتـبـتــلـيـنــا
والـحـي مـيـت لـوتـطــول الـسنـيـنـا_____هــذا حــكــم ربــي واحـنـى رضـيـنـاه
لــكن ابــوهــانــي عـلــيــنـا فـقـيـدة_____هــذا كـــبـيـر الـقــوم وهــذا عــقـيـده
أقـفـى عن الدنيا بـصـفـحـه جـديـده_____والـعـبـد مـايـحـصل على اللي يتمناه
مـتـعـب عـقـيـد القـوم وكـلن يـحبـه_____من خـلـقتـي ماسمعت واحـد يسبه
والـيــــوم راح وجــيــرتــة عـنــد ربــه_____ولاعــاد يـنـفـعـنـا الـبـكـاء لو بـكـيـناه
امـثـال مـتـعـب فـي الـقـبائـل قليله_____امـــا انــا مـاشـــوف واحــــد مـثـيـلـه
ربـان للمـــركـــب يـقــوده بـحـيـلـــه_____لا والـلـه الا الـيـوم احـنـى خسـرنـاه
لـه جـــاه عـــند النــاس ويـقـدرونــه_____ولـيـا طــلـبـهـم شـي مـايـرفـضـونــه
لانـه كـريـــم لابــد هــم يـكــرمـونــه_____هـذا كـلام الـصـدق والـصـدق مـنجاه
رجل السعـد والخـير مـنجـي دخيله_____لـوكـان مـوضـوعـة مـافـيـة حـيـــــلـة
يـحـل مـوضــوعــة باهـــون وسـيـلة_____ولـو الـقـضـيـه جـامـده مـابـتـعـصـــاه
يـاكـم واحــــد جـــاة وعـنـدة كـبـيـرة_____روح مـعـة وخـلى الـكـبـيـرة صـغـيـرة
ولوهو دخيل السجن اخلى سبيله_____ولو يـنـقـصـه حـاجه من جيبه اعطاه
صائم مصلي ماسكن فـي صـلاتــة_____مـايـنـشـغـل عـنهـا ولا فــرض فـاتـة
ووقـت الـزكــاة لاحــل يـخـرج زكـاتـة_____ويـحـضر لمن يـدعية ولو البعـد عناه
خـبـر وفــاتـة شب فـي قـلبي النـار_____والـلـــه مـاضـنـيـت انــي ابـنـهــــــار
لانـي عـلى بـعـض المواقـيـف صبار_____صدمة عظيمة ولـكن ربـي حمـدنـاه
من بعد ابو هـاني كـثـرة هـمـومـي_____الـعـين جـفـاها النـوم ولعاد تـنـومي
اصحى من عـز النوم واقـعد واقومي_____والـنـوم مـثـل الـنـاس مـعـاد نـهـنـاه
ساكن بوسط الناس وكنـي لحالـي_____واحس على صدري بـثـقل الجبالي
هـذا سـبـب كـلـه من اللـي جرالي_____واحنى طلبنا الصبر من الله وعطاناه
انسى دقيـقـة واذكـر الـهـم ساعات_____ويــوم اتــذكــــر ذالـك الـيـوم مـابـات
افــــــز مـن نـومـــــي مـــرة ومـــرات_____والدمع وسط العين غصبن حبسناه
اوصـيـك ياهـاني واسمـع وصـاتـــي_____ادعــي لابـوك بـكـل وقـت وصـلاتـي
ابـوك لاتـنـسـاه طــول الـحــــيـاتـي_____ربــاك والـتـعـلـيـم وكـل شـي سواه
سـيـرة ابـوك فـي حـيـاتـة نـظيـفــة_____خـلـيـك مـثل ابـوك نـفـسك عفيـفة
لا تـمـشـي الا بالعـلـوم الشريـفــة_____والـوقـت زي الـسـيـف لكنك تـحـداه
خـليك فـي شغـلك وخدمت خوانــك____خـليك مـعـهم حتـى يحسو بحنانك
على نهج ابوك امش واسرج حصانك____ابـوك بـنـــا وانـت لا تـهـــد مـــبــنـاه
الـلـــه مـعـاك وثــم عــمــك عــويـنـك____مـادمـت حـي والـلـه ماحدن يهينك
بامــدلك يـمـناي وعـطـنـي يـمـيـنـك____ومـانـقـدمـة لابــوك بـكـــرة بـتـلـقـاه
والـخـاتـمـة يــارب جـيـره مـن الـنــار____وادخـــلــة جــنـتـك جــنـات الابــــرار
وان تـجـعـلن قـبـره روضـــات وانـهـار_____هـــــذا الــذي يــارب مـنـك طـلـبـنـاه